محشي كوسه 2015 - مقادير وطريقة تحضير محشي كوسه

محشي كوسه 2015 - مقادير وطريقة تحضير محشي كوسه
اهلا وسهلا بكم معنا في مجلتكم ,, مجلة يلا حواء
سوف نوضح لكم اليوم طريقة تحضير الاكلة المحببة للكثيرين

وهي عمل محشي الكوسا وطريقة الحصول على طعم شهى وطيب جدا
نترككم لقراءة الموضوع الان  ,,

المقادير :

2 كجم كوسه متوسطه الحجم
1\2 كجم أرز مصرى
1\2 كجم طماطم مقشره ومفرومه خشن(انا استعملت صلصه متفرزه عندى حوالى 1 كوب 200جم)

1 معلقه ص كمون
1 معلقه ص نعناع جاف
1\2 معلقه ص فلفل أسمر
1\4 معلقه ص كزبره ناشفه
1\4 معلقه ص بهارات مشكله
2 معلقه ك زيت نباتى
1 بصله متوسطه
تشكيله من الخضره المفرومه حوالى 4 معالق ك(كزبره وبقدونس وشبت)
مقدار من الشوربه (البيون او المرقه)
ملح حسب الرغبه

 

الطريقه:

بقور الكوسه وبغسلها كويس اوى وبحطها فى مصفى تنزل الميه الزياده
بغسل الرز وبنقعه حوالى 15 دقيقه وبعدين بصفيه كويس
بفرم البصله فرم ناعم فى الكبه ومعاها الفلفل الأسمر والنعناع الجاف وبحطهم على الرز المغسول وبضيف عليهم الطماطم والخضره وباقى التوابل(كزبره ناشفه وكمون وبهارات) وأخيرا الملح والزيت وبلقب الخليط كويس أوى...

ببدأ فى حشو وحدات الكوسه وناخد بالنا اننا ما نكبسهاش أوى ونسيب مساحه لتمدد الرز والخلطه وأنا مش بقفلها من فوق بس اللى يحب ممكن يقفلها بقطع من قلب الكوسه اللى طلع وإحنا بنقورها وممكن كمان بمكعبات طماطم...

برص الكوسه فى صينيه فرن وبحط عليها مقدار من الشوربه ( شوربه تكون سخنه ) والمقدار مايعديش نص ارتفاعها لأن الكوسه طبيعى بتنزل ميه .....

بغطى الكوسه وبحطها على النار حوالى 15 دقيقه وبعد كده بشيل الغطا وبدخلها على شبكه الفرن اللى بكون مسخناه على 200 م وبسيب الكوسه لحد ما تشرب كل السائل بتاعها وأطمن انها استوت بطفى الفرن وأحطها تحت الشوايه يدوب تتحمر شويه مش أكتر من 3 دقائق

بقدم الكوسه فى طبق التقديم مع سلطه خضرا وأكيد سلطه زبادى اللى بتبقى رووووعه معاها
وبحب أقدم جمبها كمان المشويات......

وبالهنا والشفا